Presidenti i Barcelonës, Joan Laporta, iu drejtua anëtarëve të Asamblesë së klubit, duke zbuluar planet për të nderuar Lionel Messin dhe duke komentuar ngjarjet e fundit në ditët e ndeshjeve.
“Për Messin kam thënë shpesh se do të ishim të lumtur ta nderonim. Ai e di që është lojtari më i mirë në histori dhe e vlerësojmë jashtëzakonisht shumë”, u shpreh Laporta.
“Gjithmonë është folur që nderimi do të mbahej në rikthimin e ‘Spotify Camp Nou’, i cili është planifikuar për në fund të vitit 2026, dhe jemi shumë të emocionuar për këtë.”
Laporta theksoi gjithashtu rëndësinë e përgjegjësive financiare dhe kontraktuale të klubit:
“Ka shumë njerëz që japin mendime dhe flasin, por ne kemi përgjegjësinë që rezultatet e zakonshme të jenë pozitive. Kontratat e nënshkruara me [kompaninë] Congo na ndihmojnë të përmbushim atë që deklarojmë në këtë asamble.”
Duke reflektuar mbi atmosferën e fundit në stadiumin Montjuic, Laporta falënderoi tifozët, por pranoi sfidat që paraqet ky impiant:
“Në Montjuic gjërat shkuan mjaft mirë. Gjithçka mund të përmirësohet, dhe sigurisht që duhet të përmirësojmë atmosferën. Unë jam i pari që dua që ajo të jetë spontane. Dje atmosfera u ngroh, njerëzit brohoritën dhe kjo na çoi drejt fitores. Por Montjuic, si stadium atletik, është i vështirë për të krijuar atmosferë. Kufizimi për grupet ultras u vendos me ligj, në kundërshtim me vlerat e klubit, gjë që solli gjoba. U ra dakord që ata vetë do t’i paguanin këto gjoba nëse klubi sanksionohej, por më pas vendosën të mos i paguanin. Prandaj, nëse nuk paguanin, nuk mund të hynin në stadium.”
