Bashkimi nga Kumanova ka shënuar fitore në ndeshjen miqësore ndaj Llapit, të zhvilluar në Podujevë, me rezultat 2:1.
Për skuadrën nga Maqedonia e Veriut realizuan Samet Rexhepi dhe Hebib Saiti, duke vulosur një triumf të vlefshëm në prag të rifillimit të garave zyrtare.
Golin e vetëm për Llapin e shënoi kapiteni Axel Gnapi në pjesën e parë, e cila u mbyll me rezultat të barabartë 1:1.
Kjo përballje u organizua në kuadër të pauzës ndërkombëtare, duke i shërbyer të dy skuadrave për ruajtjen e ritmit dhe testimin e formës së futbollistëve.
