Me përfundimin e edicionit të 13-të të turneut memorial të shahut “Mustafë Ibrahimi”, ky aktivitet tradicional dëshmoi edhe një herë rëndësinë dhe qëndrueshmërinë në kalendarin sportiv vendor.
Turneu mban emrin e të ndjerit Mustafë Ibrahimi, ish-drejtor në Bankën NLB, i cili ishte i njohur për kontributin e tij të madh në mbështetje të sportit dhe aktiviteteve komunitare. Banka NLB vazhdon të jetë sponsor kryesor i këtij eventi, duke nderuar trashëgiminë dhe humanizmin e tij.
Fitues i këtij edicioni u shpall Nderim Saraçi, me 11 pikë të grumbulluara, duke lënë pas Shqipdon Mehmetin me 9 pikë dhe Endrit Urucin me 8½ pikë.
Top 10 renditja finale:
-
Nderim Saraçi – 11 pikë
-
Shqipdon Mehmeti – 9 pikë
-
Endrit Uruci – 8½ pikë
-
Alaudin Shtavica – 7½ pikë
-
Liridon Behrami – 7 pikë
-
Sabri Halili – 7 pikë
-
Jahjush Sahiti – 7 pikë
-
Qamil Fetiu – 7 pikë
-
Korab Saraçi – 6½ pikë
-
Bujar Fetiu – 6½ pikë
Në turne morën pjesë gjithsej 47 garues, duke përfshirë shahistë të të gjitha moshave dhe nga vende të ndryshme, çka tregon për interesimin dhe vlerën e këtij eventi në komunitetin e shahut në Kosovë.
Përveç karakterit garues, turneu ishte një homazh i denjë për figurën e Mustafë Ibrahimit, një personalitet që ka lënë gjurmë të pashlyeshme në mbështetjen e sportit dhe aktiviteteve kulturore në vend.
