Zrinjski i Mostarit u mposht në transfertë nga Mainzi me rezultat 1:0 në ndeshjen e dytë të fazës së grupeve të Ligës së Konferencës. Golin për skuadrën gjermane e realizoi Nelson Weiper në minutën e 24-të. Kampioni i Bosnjës dhe Hercegovinës mbeti me një lojtar më pak që nga minuta e 37-të, pasi Igor Saviq u ndëshkua me karton të kuq direkt.
Skuadra nga Hercegovina pati një mbështetje të madhe në Gjermani, ku llogaritet se mbi katër mijë tifozë – si nga Bosnja, ashtu edhe emigrantë – kishin ardhur për ta ndjekur ekipin.
Gjatë ndeshjes, tifozët vendas shpalosën një pankartë provokative ku shkruhej: “Smash ustasha – (rrahe ustashin), rrofshin partizanët.”
Zrinjski është i njohur si klub me prirje nacionaliste kroate në Bosnjë dhe Hercegovinë. Tifozët e tij, të njohur si “Ultrasit e Mostarit”, shpesh përdorin simbole dhe referenca të luftës apo motive nacionaliste kroate. Në të kundërt, tifozët e Mainzit janë të pozicionuar politikisht në të majtë dhe njihen për qëndrimet e tyre kundër çdo forme shovinizmi, të cilat i shprehin përmes pankartave dhe sloganeve.
Nuk dihet ende nëse UEFA do të marrë masa disiplinore ndaj klubit gjerman për këtë pankartë.
Navijači Mainza istaknuli transparent: „Smash ustaša – živjeli partizani“ pic.twitter.com/SeQX7pDgrJ
— Bljesak.info (@Bljesak) October 23, 2025
