KV Ferizaj ka dalë fitues në përballjen derbi të qytetit kundër KV Lubotenit, duke triumfuar me rezultat të pastër 3:0 në sete. Ndeshja u zhvillua në palestrën „Bill Klinton“ në Ferizaj dhe ishte e fundit për javën e 7-të të Superligës së Meshkujve në volejboll.
Me këtë fitore, Ferizaj ngjitet në kuotën e 14 pikëve, duke forcuar pozitën në renditje, ndërsa Luboteni mbetet me 7 pikë, duke mos arritur të përfitojë nga përballja lokale për të përmirësuar ecurinë e sezonit.
Setet u mbyllën me këto rezultate në favor të Ferizajt:
25:19, 25:23 dhe 25:21, duke konfirmuar dominimin e ekipit „mysafir“ gjatë gjithë ndeshjes.
